Першасная прафсаюзная арганізацыя філіяла "індустрыяльна-педагагічны каледж «установы адукацыі» Рэспубліканскі інстытут прафесійнай адукацыі" уваходзіць у склад Беларускага прафесійнага саюза работнікаў адукацыі і навукі.
БЕЛАРУСКІ ПРАФЕСІЙНЫ САЮЗ РАБОТНІКАЎ АДУКАЦЫІ І НАВУКІ – гэта галіновы прафсаюз работнікаў сістэмы адукацыі і навукі Рэспублікі Беларусь.
Беларускі прафесійны саюз работнікаў адукацыі і навукі з'яўляецца добраахвотнай грамадскай арганізацыяй, якая аб'ядноўвае грамадзян, якія працуюць у арганізацыях адукацыі і навукі, органах кіравання адукацыяй, якія навучаюцца ва ўстановах, якія забяспечваюць атрыманне прафесійна-тэхнічнай, сярэдняй спецыяльнай, вышэйшай адукацыі, якія прызнаюць Статут, для абароны іх працоўных, сацыяльна-эканамічных правоў і законных інтарэсаў.
Праца першаснай прафсаюзнай арганізацыі філіяла ІПК УА РІПА складаецца ў тым, каб усталяваць ўзаемасувязь паміж працадаўцам і работнікамі, абараняць працоўныя і сацыяльныя інтарэсы работнікаў, аказваць прававую дапамогу ў вырашэнні складаных пытанняў, матэрыяльную падтрымку, дапамагаць у арганізацыі адпачынку супрацоўнікаў.
Мы ставім перад сабой задачу па згуртаванню калектыву, па павелічэнні сяброўства ў шэрагах прафсаюза. Мы хочам, каб усе работнікі: адміністрацыя, педагогі, абслугоўваючы персанал каледжа - былі аб'яднаны не толькі прафесійнай дзейнасцю, але і вольным часам, каб калектыў удзельнічаў у жыцці кожнага супрацоўніка, дапамагаў вырашаць праблемы, радаваўся і засмучаўся разам з ім.
Толькі ў такім дружным калектыве ёсць месца новым творчым распачынанням, прафесійнаму росту, прагрэсіўным ідэям! Толькі ў такім калектыве, дзе прафкам і адміністрацыя каледжа зацікаўлены ў стварэнні добрых умоў працы для супрацоўнікаў, яны будуць адчуваць сябе камфортна і ўпэўнена!
У сваёй дзейнасці прафсаюзны камітэт кіруецца Статутам Беларускага прафесійнага саюза работнікаў адукацыі і навукі, заканадаўствам Рэспублікі Беларусь, вызначае прыярытэтныя напрамкі ў працы, забяспечвае выкананне прынятых кіруючымі органамі прафсаюза работнікаў адукацыі і навукі рашэнняў і праграм.
Асноўным дакументам, які рэгулюе працоўныя і сацыяльна-эканамічныя адносіны ў каледжы, з'яўляецца калектыўны дагавор.
